الملاحظات

طلب للأستاذة رومانتيك

في تصنيف منتدي ذامريكان انجلش
بواسطة (295 نقاط)
+6 تصويتات
يا استاذه أمانة عليك و في سبيل الله و أجرك على الله توصلي كلامي للاستاذ ابراهيم بأننا موافقين على قراره الاخير و أننا واثقون به و  و أننا بالفعل بحاجة ماسة إلى زيادة عدد الحلقات و نشكره كثيرا و جزاه الله خيرا

أمانة عليك يا استاذه رومانتيك

من فضلك سجل دخولك أو قم بتسجيل حساب للإجابة على هذا السؤال

3 إجابة

بواسطة (915 نقاط)
+2 تصويتات

مساء الخير ...

لو سمحت جميعنا لسنا موافقين أغلبيتنا غير موافقين علي هذا القرار وليس بسبب اعتقادنا أن الاستاذة ليست مناسبة نحن اصلا لم نرها حتي لكن لأننا قضينا عمرا مع الاستاذ ولن نقدر علي تركه تدريسنا 

فأتمني ان نظل كما نحن وان نعود مثل السابق وأن لا يكون هناك احد آخر لانه قرار صعب جداااااااااا .

نحن في المستوي الثالث يعني مستوانا اصبح عاليا جدا ما شاء الله مما يعني ان كانت هناك حلقتان او ثلاث في الاسبوع فلن تكون هناك مشكلة ...

أرحب بالأستاذة وبكل من يقوم الأستاذ بتعيينهم لكن لا نريد احدا مهما كانت العواقب ...

أرجو ان تتقبلي وجهة نظري هذا رأيي ورأي اغلب المتابعين لاننا حقا لن يقبل عقلا احدا اخرا ...

بالتوفيق لك وللجميع ...

بواسطة (295 نقاط)
بارك الله فيك اختي لكن لم نرى راي الجميع
بواسطة (915 نقاط)
واياك يا رب...
معظم اصدقائي غير موافقين الذين هم علي تواصل معي ...
حقا لا نستطيع القبول بأي شخص ليس تقليلا من شأن أحد لكن انه زمن طوييييييل جدا مراجعات واسئلة وتبادل اراء كيف يتناثر هذا ويذهب مع الريح بهذه السرعه ؟؟
بواسطة (295 نقاط)
انا شخصيا موافقة على قرار استاذ ابراهيم و يوجد ايضا ناس موافقة لذلك لا نتكلم باسم الجميع اختي
بواسطة (103 نقاط)
ايه الكلام ده
في ايه
للاسف للان مفتحتش الفيديوهات الاخيرة بس اللي فهمته منكم ان الاستاذ عادل هيسيب مكانه لحد تاني
ده كدة نزعل والله
صعب لما الواحد يتعود ع شخصية معينة واسلوب معين وريتم معين ويناسبه فجأه يتغير وصعب جداً اننا نتقبله اذا مكنش مستحيل غير الاحباط اللي هيصيب كتير مننا
ياريت الاستاذ يراجع قراره ده اذا مكنش يضايقه
التطبيق ده اولى باستاذنا من طليق مع احترامي فمينفعش يتخلى عننا فجأة
استاذ ابراهيم بالنسبة لينا هو الحافز نفسه اننا نكمل ونواصل واحنا حابين ده
لو بتتفرج ع مسلسل واحدى الشخصيات اتغيرت بتحس بشئ من التوتر واللخبطة والتوهان فما بالكم بلغة وعلم وقواعد وتفاصيل واسلوب
اتمنى صوتي وصوت الموافقين يوصل لحضرتك يااستاذنا
بواسطة (915 نقاط)
مساء النور أمل اخبارك ايه وحشتينا جداااااا والله نورتي الموقع برجوعك ❤️❤️
هقولك علي كل حاجه ...
كان الاستاذ عنده قناة اسمها English bee هو حذف اللي فيها وجعلها قناة خاصه بالمواضيع اللي مش خاصه باللغات يعني اخذ رأينا في حاجه وهكذا يعني ... نزل عليها فيديو من يومين تقريبا لاقيناه بيقول ان في مدرسة تانية معاه للمساعدة في التدريس وكده بس قالها بسرعه كده ومر عليها مرور الكرام مش عارفه ليه ...
من وقتها بقي واحنا مش ساكتين وعايزين القرار يتراجع لان احنا مش هنا بقالنا شهر ولا اتنين احنا هنا من 3 سنين ونص 3 سنين ونص دراسة وتفاعل واخذ آراء وغيره وغيره يعني دي مش مجرد دراسة وخلاص ....
وكمان احنا اللي هنا من البداية ودي قناتنا ولما عرفناها جينا عشان حد معين هو اللي بيشرح واخدنا علي طريقته وتفاعله مش عشان يسيبنا في نص الطريق ولا انا كده مخطئة؟؟
وبعدين كمان الاستاذ وعد ان طليق مش هتأثر علينا وهنكمل وكأن شيئا لم يكن يبقي خلاص .
مع احترامي للاستاذة وكل حاجه وكلامي مش عشان اضايقها او احبطها انا اصلا معرفهاش بس ايا يكن مش هنعرف نتعود علي حد تاني مهما كان ....
انا عن نفسي معترضة مهما كان الثمن ومهما كانت العواقب وان شاء الله كل شيء يفضل زي ما هو ونرجع زي الاول واحسن كمان والاستاذ يتفهمنا ويتفهم آراءنا ...
بالتوفيق أمل ❤️❤️❤️
بواسطة (103 نقاط)
ازيك ياحبيتي انتم كمان وحشتوني جدا
كلامك صح مليون الميه
شخصياً استاذ ابراهيم لوحده هو اللي خلاني اتابع الكورسات بإهتمام وحب لدرجة اني مازلت محبطة لان من رمضان مش عارفة اظبط موعد مذاكرتي زي الاول يادوب اخطفلي فيديو ولا اتنين من القديم وزعلانة جداً فمش ناقصة خبر زي ده ممكن يخليني اكسل عن الاستمرار
اللغة الإنجليزية بنكهة استاذ ابراهيم مش هيبقالها طعم مع أي إضافات تانية مهما كانت جودتها مع احترامي للاستاذة اللي زي مقلتي احنا منقصدش احباطها لاننا فعلاً منعرفهاش
كنت زمان باخد كورسات فرنسي ف القوات المسلحة واتعودنا ع مدرسين معيين وفجأة جابولنا مدرسة تخصصها مترجمة ومقدرناش نستوعب منها واشتكيتا والاساتذة قالولنا ادوها فرصة لكننا مكناش قادرين نستوعب غير مدرسين معينين
الحمدلله فهمونا ورجعولنا اساتذتنا لكن قدرنا نخليهم يفهموا اننا بنحترمها وانها ممكن تكون فوق الممتاز لكننا متعودين خلاص ع ناس معينة
اتمنى استاذ ابراهيم يستوعب ده مع تقديرنا لتعبه ومجهوده معانا
ياريت لو نقدر نعمل تجمع ع الموقع هنا ونلم اكبر عدد للتصويت
اننا عايزين استاذ ابراهيم لوحده تماماً ويخلي الاستاذه لطليق خصوصاً ان طليق لسه ف البداية رغم خجلي من ان ممكن ده يكون فوق مقدرة استاذنا
والله لسه امبارح كنت ف المطبخ وبفكر ف طليق واللغات والمجهودات الكبيرة اللي عملها الاستاذ ربنا يديله الصحة ويقويه ويجازيه خير وخفت ان بعد التوسع ده ماشاءالله ان يحصل حاجة تأثر علينا هو عليه شخصياً
وللاسف بعدها بكام ساعة اتفاجئت بالكلام ده وصابني الاحباط اكتر وخصوصاً اني من النوع اللي صعب جدا جدا لما اتعود ع حاجة مهما كانت صغيرة اقدر اغيرها فما بالك بعلم وشخصية عظيمة واسلوب حتى لو كان التغيير جزئي
اتمنى ان استاذ ابراهيم ع الاقل يتقبل فكرة المساعدة ف طليق مش هنا
بجد زعلانه ونفسي يتقبل الفكرة دي
بواسطة (915 نقاط)
مساء الخير أمل ❤️❤️
بجد والله كلنا مصدومين من اللي سمعناه خاصة اللي هنا من فترة طويلة ومعظمنا رافض الفكرة دي بس في جزء موافق ليهم كل الاحترام ونتقبل اختلاف الآراء ...
ذا امريكان دي تاريخ وذكريات وتفاعل وانتظار جداول وحلقات ومواقف كتيييير جدا مش هنسي ابدا وقت ما كنت اسيب كل حاجه وافضل مستنية سواء حلقة English Bits او I know  مستر ابراهيم مش بس خلانا نتكلم اللغة .. دا خلانا نحبها وعاوزين تعرف عنها اكتر بل ونتعلم لغات اكتر خلانا نحب كل المذاكرة وكان مصدر التشجيع لنا وما زال وحببنا في الكتب ومنتظرين الكورسات الجديدة بفارغ الصبر بس بجد حاجه زي كده مش هتكون حلوة مع مدرس تاني طبعا استاذ ابراهيم مش بيختار الا البارعين دايما بس كل شخص وله بصمته الخاصة وطريقته في اي حاجه .. هل هتكون المدرسة زيه ؟ حتما لا حتي لو هتقول كل كلمة وهتعمل كل حركة استاذ ابراهيم بيعملها هنحس برضو ان الموضوع غريب ... بقالنا هنا فترة طويلة واتعلمنا ان ذا امريكان يعني استاذ ابراهيم غير قابلين للفصل عن بعض تماما وبعدين احنا لما اتعرفنا علي القناة جينا عشان حد معين وعشان كمان يكمل معانا الطريق للنهاية ...
انا اروح كورسات في اماكن تانية اهون عليا من اني اشوف حد تاني غير استاذ ابراهيم...
احنا اصلا في المستوي التالت يعني ما شاء الله مستوانا بقي عالي جدا و أخدنا معظم جوانب اللغة فمش هتفرق سواء حلقة كل اسبوع او كل سنة حتي وانا عن نفسي بفضل حلقة كل سنة مع الاستاذ لوحده عن عشر فيديوهات في يوم واحد بمساعدة حد ...  
انا والله من اسبوع كده بكلم صديقة ليا هنا وقولتلها عايزة اقولك ع حاجه قالت ليا في ايه قولتلها انا خايفة استاذ ابراهيم يسيب ذا امريكان وفضلنا نتكلم شويه عن الموضوع ويا سبحان الله اللي كنت خايفة منه يتحقق ويا ريته ما حصل ...
فعلا اما حد بيتعود ع شخص معين صعب جدااااا انه يسيبه كده فجأة حتي في علم النفس الموضوع ده وصفوه بأنه صعب وبيأثر ع النفسية والدماغ بشكل سلبي والانسان بياخد فترة علي ما يتعود وكمان مش بيرجع زي الاول وانا من الناس اللي صعب اقتنع بحد لما اكون اتعودت علي حد معين وعشان برضو حاجه معينة ... والخوف كله انه يسيبنا ليها مع الايام لو حصل كده مش هكمل ابدااااااا مهما كان التمن
انا من صدمتي لما سمعت قلت اكيد دي لطليق او كده خصوصا اني حسيت ان في غموض في الكلام بس لما سألت واتأكدت قلت لا كده لازم نعمل حاجه ...
واحنا اهو هنعمل كل اللي نقدر عليه في سبيل ان الاستاذ يفضل لوحده مش مع حد تاني .
طب الحمد لله انها جاءت علي حالة احباط بس انا لسه خارجة من حالة اكتئاب بصيت لقيت كل ده بيحصل وبجد مش مستحملة ولا قادرة اعمل اي حاجه وطبعا الوضع ده مش نافع خالص .
مع احترامي الشديد للأستاذة واللي لسه اصلا منعرفش هي مين ولا اي حاجه بس احنا عايزين مستر ابراهيم بس زي ما وعدنا من البداية .
واسفة والله جدا علي الاطالة بس انا فعلا زعلانة .....
بواسطة (103 نقاط)
والله حاسة بيكي الواحد من رغبته ف اقناع الاستاذ مش عايز يبطل نقديم مبررات للرفض
يااااااارب يكون بيقرا اللي بننزله ويتفهم كلامنا وكيزعلش مننا ياااارب
بواسطة (244 نقاط)
+4 تصويتات
اتمنى انو منشوري ما زعلك

احنا هون عيلة وحدة ونتقبل الاختلاف وآراء بعض صح انو في اختلاف في الاراء بس بالاخير كلنا نهدف للتطوير والخير وقلوبنا صافية لبعض.

وانا ما يزعلني انك تخالفيني في الرأي المهم اننا ما بنختلف وتتفرق القلوب

وشكرا اختي الله يوفقك لما فيه الخير واتمنى اني ما زعلتك
بواسطة (295 نقاط)
لا يا حبيبتي ماشاء الله عليك و على كلامك الطيب اتمنى لك كل التوفيق والنجاح
بواسطة (244 نقاط)
شكرا اختي الله يرضى عليك
بواسطة (1.5ألف نقاط)
+1 تصويت

السلام عليكم ورحمه الله وبركاته ❤️❤️ 

مساء الخير ❤️

بعضنا موافق وبعضنا لا ان شاء الله يتم اختيار الافضل للجميع وما يراه استاذنا مناسبا 

رجاء لا تختلفو فنحن هنا عائله واحده لا نريد اي شيء ان يأثر علينا 

هناك من ارائهم انهم لا يريدون استاذ مساعد مع استاذنا 

والاخر موافق وانا منهم 

ولكن يجب ان نحترم رأي بعضنا البعض 

بالتوفيق ❤️⁦(✿^‿^)⁩

بواسطة (244 نقاط)
طب يا اللاء لا تخافي احنا عيلة وحدة فمثلا انا وانت اختلفنا في الرأي بس انت الملكة بقلبي وعمر ما نزل مقامك في نظري والعياذ بالله
بواسطة (1.5ألف نقاط)
حبيبتي فاطمه ⁦(。♡‿♡。)⁩
طبعا مهما اختلفنا في الرأي ومهما حصل بيناتنا هنفضل اكتررر من اخوات
بالعكس حبك بيزيد بقلبي يوم بعد يوم ⁦(◍•ᴗ•◍)❤⁩
ربنا ما يحرمني منك ابدا ❤️
بواسطة (405 نقاط)
ما في خلاف أبدا احنا أخوات وحبايب
يا لولو انت وبطوطة اليوم عيد عدد الزيارات وصل للمليووون
مبارك عليكم
بواسطة (1.5ألف نقاط)
طبعا اختي رومانتيك ما في خلاف
بجد جمييل وصلنا للمليون ان شاء الله نوصل لل10000000 زائر وان شاء الله التفاعل يزيد
اختي رومانتيك تعرفي اي اخبار عن اختي زينب ونوره غايبين من امبارح هل هما بخير
بواسطة (405 نقاط)
نورة كانت امبارح حبيبتي في الموقع .
هي زوزو ما ظهرت . ان شاء الله تكون بخير . بس هي أكيد مشغولة في الفن بتاعها
24 Online Users
3 Guest 21 Member
Today Visits : 1063
Yesterday Visits : 7451
Total Visits : 1100711

1.8ألف أسئلة

7.5ألف إجابة

8.7ألف تعليقات

3.9ألف مستخدم

مرحبًا بك إلى Zamericanenglish Q&A، حيث يمكنك طرح الأسئلة وانتظار الإجابة عليها من المستخدمين الآخرين.
add
...