Question

انا كان عندي interview وعندما تكلمت انجليزي تكلمت كويس بس انا كنت حاسس اني كنت بتكلم زي الروبوت يعني مفيش روح في كلامي.

كيف يمكن احل هذه المشكله؟؟؟

وشكرا مقدما

Answer 1

السلام عليكم ورحمه الله وبركاته ❤️ 

صباح الخير 

اكيد بس كنت متوتر شويه ممكن تحل المشكله دي بانك طول الوقت تحاول تتكلم بالانجليزيه مع متعلم اخر او حتي مع نفسك امام المرآه اعتقد دي افضل طريقه عشان تكون اللغه الانجليزيه في كلامها مثل العربيه تمام 

بالتوفيق ❤️⁦(✿^‿^)⁩ 

Comments

شكرا علي النصيحة

Answer 2

اهلا اخي محمود

هذه المشكلة تتخلص منها باستخدامك المتكرر للغة

ولامانع ان تتحدث مع نفسك امام المرآة كل يوم

وان تقوم بتسجيل صوتك كل اسبوع وترى التطور الذي يطرا على مستواك

بالتوفيق لك اخي ....

Comments

شكرا لك يا أخي

Answer 3

اتمرن مع نفسك أو مع أحد الأشخاص على التحدث بالانجليزي ، و مثل كانك شخص غضبان و اتكلم و مرة مثل واحد سعيد و مرة تانية شخص تعبان .

اعتقد أن الموضوع دة هيساعدك تتكلم انجليزي بروح .

Comments

شكرا جزيلا لك

Answer 4

اكيد السبب علشان كنت متوتر و خايف لحسن تغلط 

الحل هو انك تدرب نفسك اكتر على التحدث ب الانجليزيه و تحاول تتمرن بينك و بين نفسك 

هو كل الموضوع اكيد كان توتر و داه شيئ طبيعى فى المقابلات المهمه 

بالتوفيق

Comments

شكرا لك علي المساعدة

Answer 5

فهمتك 

انت كنت حافظ الكلام ولا كنت بتفكر فيه سريعا وتجاوب. 

ده بيحصل من التوتر اكيد ولكن لو طريقتك كده فده ممكن لانك مش بتفكر ١٠٠% بالانجلش مفيش احساس بكلامك كانه عن طريق شخصيتك . ده بيتحل بسهولة جدا لما تتفرج علي مسلسلات اشمعنى مسلسلات لانك بتعيش مع القصة بتشوف مشاعرهم ازاى بتظهر فى كلامهم مشاعر فرح غضب وهكذا . هتلاقي نفسك بتاخد طريقة حد منهم في تعبيراته مش بالظبط ولكن ده بيخليك تعمل اسلوبك الخاص بعدين.  طبعا ده بالإضافة الي ممارستك للغة كتير اوى لو قدام مرايه حتى اقرا كتب او قصص قصيرة شوف طريقة التعبير ازاى . 

الموضوع ممتع اوى وهتحبه . 

في مسلسلات كويسة جدا ونظيفة خصوصا بتوع ٢٠٠٩ بيكون ذو مغذى و يضفلك . 

لو حبيت الفكرة ممكن اقترح عليك مسلسلات فادتني 

Comments

فكره جيده اخبريني اسماءهم
وشكرا مقدما

---

لا شكر علي واجب

1- prison break روعة بجد بيوريك اد ايه الواحد ممكن يعمل اى حاجة عشان يساعد اخوه ده غير ان معدل IQ بتاع المسلسل رهيب قمة ذكاء روعة .

2- lie to me ده بقي تركيزه علي لغة الجسد ولكن عن طريقة بتشوف اللي ييكذب حتى بيبقي ازاى هيفيدك بردوا

3- once upon a time ده اول مسلسل اتابعه هو عجبنى عشان انا بحب قصص الخيالية وهما مجمعين قصص كتير اوى مع بعض بالإضافة إلى شخصيات من الأدب الإنجليزى زى ميدوسا اكيليز حاجات كتير
ده ورانا مشاعر بطرق مختلفة وبطريقة طريفة وحبيته اوى بس شوف trailer الاول يمكن متحبش النوع ده