الملاحظات
الموقع متوقف وتم تغيره الي نظام جديد وهنا يعد فقط ارشيف للقراءه ولا يمكن المشاركه للدخول الي النظام الجديد اضغط هنا
السلام عليكم ورحمة الله وبركاته أحبتي♡
موضوعنا اليوم عن الحلقة رقم 14 بعنوان المضارع البسيطSIMPLE PRESENT
لو عايزين نعبر عن حاجة بتحصل في الحاضر بنقول مثلا : صديقي يلعب الكرة دا حاضر لا ماضي ولا مستقبل ولكن فيه بعض الغموض في الجملة لأن هنا لم نفهم هل المتحدث يقصد أن صديقه ...يحب لعب الكرة أم)أحيانا يلعب كرة ولا يلعب الكرة الأن . فالجملة تحتمل الثلاث ولكن في الانجليزي الأمر مختلف والزمن اللي بنتحدث عنه ليس له علاقة بالأحداث التي تحدث الأن الحاضر البسيط بيهتم بالحاجات التي تحدث عادة كعادة أو روتين يومي أو حقائق وهكذا ؛أي شئ حاضر ولكن ليس الأن ده اسمه SIMPLE PRESENT مثل
_ السماء تمطر في فصل الشتاء . _ الأتوبيس يمر في المساء. _ أنا أحب أن أذاكر في الصباح.
ومثال: أحمد طويل ولو قولت كيف لهذه الجملة أن تكون مضارع بسيط ولا يوجد فعل ¿!
الإجابة: الماضي والمضارع البسيط لا يشترط فيهم وجود فعل أساسي الفعل المساعد كفاية. مثل:
He is a dactor / Ahmed is tall والأمثلة اللي زي دي منطقية بالنسبة لنا ونقدر نسأل ونأجب عليها بالإثبات والنفي بسهولة.
Is Ahmed tall ? / Ahmed is not tall
أما الأمثلة اللي فيها فعل تكوينها كالأتي:
Subject + Verb (s) + Object مفعول + فعل مصحبه صوت س + فاعل
وكما قال فخر العرب بالمثال يتضح المعنى إليكم الأتي:
1. We love our country.
2. They play chess.
أما موضوع صوت ال س وده بيضاف فقط لما بتكلم على طرف تالت لا أنا ولا أنت أي بنضيف صوت ال س للفعل لما يكون الفاعل مفرد .
4. My friend likes coffee
5. My cat sleeps a lot .
《《 النفي 》》
ولكن يجب أن تتذكر أن في جمل المضارع البسيط اللي بيكون فيها فعل: دايما بيكون فيه فعل محذوف / مستتر بعد الفاعل مباشرة لأن بدونه المعنى واضح والفعل ده بيكون Do لو الفاعل جمع أو Does لو الفاعل مفرد ولكن I and YOU بيعاملا معاملة الجمع. يعني :
They love their country في الأساس
They do love their country. وهكذا _ للنفي قاعدة بتقول عند السؤال أو النفي لا يوجد حذف أي لا يوجد شئ مستتر
(على رأي اللي قال المستخبي يبان )
وبنستخدم القاعدة دي (إظهار المستخبي) في السؤال / النفي / التوكيد .
وقبل ما ننفي بنرجع الجملة لأصلها (نثبتها) ثم ننفيها مثال :
They love me __ They do love me
They don't love me
I love you ___ I do love you
I don't love you
ولو اعتقدت إن في النفي بنضيف don't / doesn't فدا غير صحيح لأن بالفعل بيكونوا موجودين فقط بنظهرهم ومن ثم نفيهم. Mike loves her __ Mike does love her __ Mike doesn't love her وهنا لم نضف صوت سس ل love لأن بنضيف صوت سس لأول فعل وهو موجود في doesn't وغير الصحيح أن نضيف سس لفعلين ورا بعض. She wears a uniform / She does wear a uniform
She doesn't wear a uniform. _____________________________ ولكن مش كل مرة هنظهر / نثبت وبعدين ننفي خلاص بقى منطقي بالنسبة لنا ننفي على طول
She loves her/She doesn't love her
《الكلمات الدالة على زمن المضارع البسيط》
( Always _ Often _ Sometimes _ Usually _ Never ) وطبعا مفيش حاجة اسمها لكل زمن كلمات دالة عليه ووضحلنا فخر العرب بالدليل من الأفلام وغيرها.
1. I will always love you. وده مستقبل
2. We always did everything together.وده ماضي.
《 السؤال 》
وهناهنضع الفعل المساعد DO / DOES في الأول وشكرا. مثل :
1. Jack builds houses .
? Does Jack build houses _
2. Israa has a blue car .
? Does Israa have a blue car _
*** ونلاحظ عند النفي / الإثبات / السؤال بيكون الفعل الأساسي في صورته الأساسية حتى لو الفاعل طرف ثالث **
وللإختبار أنظر أول إجابة @##
مساء الفل والورد والياسمين أحبتي ♡
قبل أي حاجة لو الشرح ده مش كافي فأنا بعتذر أنا حذفت شرح والاختبار والخاتمة الخاصة بيا المعروفة تقريبا كانوا قد المنشور أو أكتر عشان الدرس كان كبيير جدا بس الحمد لله .
** لنبدأ الإختبار على بركة الله **
ترجم الجمل الأتية ثم قم بنفيها ومن ثم حولها لأسئلة:
1. أحمد طالب ذكي.
2. قطتي لديها عيون زرقاء.
3. أنت تحب الجميع.
وبس كدا يا سيدي وأوعى تنسى إن الإجابة رقم مائة لا تقل أهمية عن الإجابة رقم واحد الأهم المشاركة لتعم الفائدة ☆☆
دمتم من الهم والحزن سالمين أحبتي♡
اللهم صل وسلم وبارك على أشرف الخلق وأعظمهم سيدنا محمد بن عبد الله صلاة تملأ ما بين السماوات والأرض ♡♡
السلام عليكم ورحمه الله وبركاته ❤️
صباح الخير
شرح رااائع تسلم ايديك اختي اسراء ❤️
1. Ahmed is a smart student
2. My cat has blue eyes
3. You love everyone
النفي
1- Ahmed isn't a smart student
2- my cat hasn't blue eyes
3- you don't love everyone
السؤال
1- Is he a smart student
2- have your cat blue eyes
3- do you love everyone
بالتوفيق ❤️(✿^‿^)
اهلا اسراء اشكرك على الشرح الاكثر من رائع
حفظك الله يا أختى ❤
3.4ألف أسئلة
10.5ألف إجابة
14.1ألف تعليقات
2.8مليون مستخدم