Question

السلام عليكم ورحمة الله وبركاته أحبتي♡

موضوعنا اليوم عن الحلقة رقم 19 الماضي   المستمر CONTINUOUS PAST والحلقة 20 مكمله له يعني في أجزاء في جملة الزمن ده هنتركها للمرة القادمة وله 5 استخدامات وتكوينه :

  Subject + was/were + Verb ing

 مثال: I was talking to my friend طب أي الفرق لو جعلنا الجملة في الماضي البسيط I talked to my friend. 

والفرق إن الماضي البسيط بيستخدم لوصف حدث واحد فقط أو عدة أحداث متتالية وخد بالك من متتالية إنما الماضي المستمر يستخدم دايما لوصف أكثر من حدث إلا في حالة واحدة هنقولها في الأخر إذا لو في الجملة حدث واحد هنستخدم الماضي البسيط ولو في جملة بالماضي المستمر بس حدث واحد إذا لسه تكمله؛ المتحدث لم ينتهي بعد يعني لو قلنا:

.She was sitting on the couch فلما نسمع الجملة دي في المضارع المستمر وحدث واحد فقط فالمتوقع أوتوماتيك إن المتحدث لسه هيكمل " لما كانت تجلس على الأريكة" ها وبعدين مستحيل تكون خلصت.

إذا لو قولنا 

.John drank coffee yesterday فجملة صحيحة وتمام إنما لو قولنا.                 John was drinking coffee yesterday فهنا يا إما هتكمل وتقول أثناء ما جون كان بيشرب القهوة امبارح حصل كذا كذا يا إما الجملة دي غير صحيحة. 

في معظم الأحوال لما نعمل جمل من الزمن ده بنستخدم كلمة أثناء فلما تبدأ الجملة بزمن الماضي المستمر إنت كدا بتأهل المستمع لحدث تاني هتتكلم عنه أثناء كذا وأنا كنت بعمل كذا حصل كذا وده هنتكلم عنه بستفاضة بمنشور الحلقة القادمة.

وفخر العرب قال أمثلة كتير ولكن غير كاملة يعني مثلا:

كان صديقي يشاهد التلفاز أثناء كذا كذا    ..... My friend was watching TV 

الأطفال كانوا يذاكرون أثناء كذا كذا.             ...... The children were studying 

في أثناء ما كنت أسير في الحديقة كذا كذا.  .... I was walking in the park .....

وطبعا لم نستخدم الماضي البسيط في الجمل دي عشان فيها أكتر من حدث وكمان لما نقول إن في حدث حصل أثناء حدث تاني فدا أوتوماتيك مضارع مستمر.

طب سؤال مهم جدا الجملة دي:                      I called my friend, we spoke for a long time, we  agreed to go to  the movies together.  الجملة دس فيها 3 أحداث/ أفعال وهي في الماضي البسيط وصحيحة 100% و كمان غير صحيح لو كنا استخدمنا الماضي المستمر وطبعا لو متابع القواعد بالترتيب هتعرف إن السبب لأن الأفعال متتالية وليست بتحدث أثناء بعضها.

                  《《 النفي / السؤال  》》 

وخلاص بقينا أساتذة فيهم في النفي بنضع not بعد الفعل المساعد was/ were.  

......... The baby was crying 

.......... The baby wasn't crying 

..... We were doing our homework 

....We weren't doing our homework 

أما السؤال كالعادة بنضع الفعل المساعد الأول 

 ...... My boos was talking 

? ...... Was my boos taking وطبعا الإجابة Yes, he was / No, he wasn't 

......... The lions were eating 

? ....... Were the lions eating 

           《《 الكلمات الدالة 》》

WHEN  / WHILE ومع إنهم مستخدمين بكثرة في الماضي المستمر ولكن لا يقتصر استخدامهم على هذا الزمن فقط استخدامهم أشمل من كدا بكتير وأيضا لا يشترط وجودهم في الجملة وده معاده الحلقة الجاية إن شاء الله وهنتعلم ازاي نستخدم أكتر من زمن في الجملة الواحدة.

 《《حالات استخدام الماضي المستمر 》》

ويستخدم هذا الزمن في 5 استخدامات / ظروف. ولما اذكرهم كلهم هعرض صورة كان عارضها فخر العرب في الحلقة بتوضح الخمس استخدامات بسهولة وبتلخصهم .

1. حدث كان بيحصل _ أثناء حصول حدث أخر(حدث كان شغال وحدث أخر طرق عليه) ولما الحدث الجديد حصل فضل مكمل

لباقي الشرح والاختبار أنتظر أول إجابة ##

  

Answer 1

مثال على على رقم (1)

I was watching TV when my friend called l.

You were not listening to me when I spoke to you. 

2. الاستخدام ده بنسميه Pinpoint رأس الدبوس وهنا بنركز على وقت معين في الماضي ونشوف اللي كان  بيحصل فيه وركز بيحصل يعني شغال ومستمر وليس حصل يعني مثلا :

Last night at 8 PM, I was eating dinner.

At midnight, we were still playing video games.

3. عدم حدوث تقاطع بين الحدثين الاتنين كانوا مستمرين مع بعض في الماضي  بالتوازي مثال:

    She was studying while her mom was making dinner. 

4. الجو العام ودا استخدام بيقصر جدا في المؤلفات والكتب ذات الطابع الشعري ولكن أي شخص يريد أن يتكلم بهذا الأسلوب الشعري يقدر عادي؛ يعني أي؟! مثلا لو أنت قرأت كتاب أو قصة بتلاقي المؤلف مثلا بيضعك في الجو العام للأحداث ويقولك كانت العصافير تذقذق بصوتٍ هادئ وكان العمال بالخارج يغنون بصوتٍ مرح؛ ستائر الغرفة كانت تتمايل مع النسيم ...... ده اسمه الجو العام وكل دي أحداث بتحصل في نفس الوقت المؤلف بيضعك في جو القصة تمهيدا لكي يخبرك الحدث اللي حصل أي. في الحالة دي بنستخدم الماضي المستمر في كل الأحداث دي ومش شرط بس الكتب والمؤلفات أنت ممكن تعطي لنفسك الطابع ده في الكلام وتقول مثلا 

My father was watching TV, My mom was cooking dinner. My little brother was talking on the phone as usual .

وطبعا مستحيل أقف هنا لسه لم أنتهي أنا بضعك في المود العام علشان بعد كدا أبدأ بقى أثردلك الأحداث.

5. حدث واحد فقط تكرر حدوثه بشكل مُستفِز وهنا الماضي المستمر هيصف حدث واحد فقط (اللي كنا قلنا عليه أول المنشور) تكرر حدوثه بشكل مُستفِز وخلي بالك المتكلم اللي بيوصف الحدث إحساسه الداخلي غاضب مُستفَز والحدث نفسه مش مستمر لا متكرر حدوثه حصل كتير جدا في الماضي لحد ما المتحدث نفسه زهق  مثال:

Fiona was always coming late to class .

لما نقول الكلام ده بصيغة الماضي المستمر إذا الموضوع ده حصل كثير جدا في الماضي والمتحدث غاضب من هذا الموضوع إنما لو قلنا نفس الكلام ولكن بصيغة الماضي البسيط 

Fiona  always came late to class.

أيضا بتفيد إن الحدث حصل كتير جدا في الماضي ولكن فقط المتحدث بيحكي وليس غاضب. 

وبكدا الحمد لله أتميت الدرس ولكن الصورة كما وعدتكم 

              

انتظر الإختبار###

Answer 2

السلام عليكم ورحمة الله وبركاته أحبتي ♡

مع إني كتبت المنشور على مرتين بس كمان حذفت معلومات أخدت مني وقت  

والأن دوركم أحبتي كالآتي:

ترجم الجمل الأتية :

1. عند منتصف الليل، كنت أتحدث مع صديقتي على الهاتف.

2. أختي كانت تغني أثناء ما كنت  نائمة.

3. كان أخي يقرأ المجلة عندما أتى أبي من العمل.

4. أحمد كان دائما ينسى واجبه في البيت .

5. أمي كانت تغسل الأطباق، أبي كان يقرأ الجريدة، أختي كانت تلعب مع قطتها كالعادة وأنا كنت أشاهد فيديو لفخر العرب/ أستاذ إبراهيم .

وبس كدا يا سيدي وأوعى تنسى إن الإجابة رقم مائة لا تقل أهمية عن الإجابة رقم واحد الأهم المشاركة لتعم الفائدة ☆☆

دمتم من الهم والحزن سالمين أحبتي ♡

اللهم صل وسلم وبارك على أشرف الخلق وأعظمهم سيدنا محمد بن عبد الله صلاة تملأ ما بين السماوات والأرض ♡♡

Answer 3

السلام عليكم ورحمه الله وبركاته ❤️ 

مساء الخير ❤️ 

كيفك اختي اتمني تكوني بخير ❤️ 

1. At midnight, I was talking to my friend on the phone

2. My sister used to sing for us while I was sleeping

3. My brother was reading the magazine when my father came from work

 4. Ahmed always forgot his homework at home

5. My mother was washing the dishes, my father was reading the newspaper, my sister was playing with her cat as usual and I was watching a video of Fakht Al Arab / Professor Ibrahim  

بالتوفيق ❤️⁦(✿^‿^)⁩ 

Comments

مساء الياسمين أختي ألاء شكرا على تفاعلك المستمر حبيبتي ♡♡
مجهود رائع ما شاء الله ولكن أنا عاملة كل مثال على استخدام ورقم ٢ و٤ عندك عايزين نظرة من اول وجديد أي نعم كنت كاتبة في رقم ٢ عندنا بس كنت أقصد أثناء ما وصلحتها بس انتي حتى ما ترجمتها عندما ..
بس طبعا عمل رائع جزاك الله خيرا أختي الجميلة ♡♡
دمتِ بخير تام أينما كنت أختي ♡♡

Answer 4

1- At midnight, I was talking with my friend on the phone

2- My sister was singing while i was sleeping

3- My brother was reading the magazine when my father came from work

4- Ahmed was always forgetting his duty at home

5-My mother was washing the dishes, my father was reading the magazine, My sister was playing with her cat as usual and I was watching a video of Fakhr Al Arab / Professor Ibrahim.