الملاحظات
انتظرونا قريبا ما هو تعليقك علي الحلقه الثانية كورس bookworm
لماذا لايتم العمل على اليوتيوب ؟
لان اليوتيوب ليس منصة تعليمية لان سياسته مع نفسه انا مثلا وناس تانية لما قعدنا مع ممثلينهم رفضوا اقتراحات كانت هاتكسبهم ونقدر من خلالها ننشر المحتوي التعليمى بشكل افضل الاقتراح انت تقدر تقترحه ( الاقتراح كان ليه ما يعملوش يوتيوب كليبس واستخدم من اى فيلم 15 او 20 ثانية عندى وبكليك واحدة اقدر اتفرج على الفيلم ده وبكده هايكسب من منتجين الافلام ) وبكده الطرفين هايكونوا كسبانين لكن رفضوا والاقتراح التانى انى اعمل فولدرز او كويز على اليوتيوب لكنهم رفضوا لذلك هو ليس منصة تعليمية واتجاهه ليس تعليمى
ممكن اسمع محادثات باللكنة البريطانية وانا باتعلم باللهجة الامريكية؟
من المفترض انك تعرف تتكلم اللهجات عشان انت هاتتكلم مع ناس لهجتها كده و ناس لهجتها كده وماتقلقش مش هايحصلك تشتت خاصة لو انت فى المستوى الثانى لكن لو فى البداية ممكن يحصل شوية تشتت.
انت قولت كلم نفسك فى بداية المستوى الثانى ؟
ايوة فعلا انت ممكن تعمل مذكراتك اليومية بالانجليزى وتقعد تكتبها يوميا وتكتب على جنب الكلمات اللى نسيتها و اضطريت تكتبها بالعربوى بعد ما تخلصها اكتب الكلمات اللى نسيتها وقوم باعادتها وحفظها
هل ستضاف اللغة الكورية لطليق ؟
ان شاء الله هانعمل قريب تصويت على طليق لاختيار لغة من الايطالية والكورية والعبرية واللغة اللى هاتكسب هايتم التحضير ليها واختيار المدرس وتحضير المنهج وهذه اطول فترة فترة الاعداد والتجهيز وبعدها ان شاء الله يتم اضافته
اتعلم على طليق ولا زى امريكان ؟
لو انت لسه مبتدئ يبقى طليق لو عايز تتعلم بسرعة فاتعلم على زى امريكان
الروايات العربى الانجليزى ؟
لو اختارت كتاب بطريقة صحيحة وفى فيديو لكيفية الاختيار لو طويت الصفحة العربى وقريت الانجليزى وبعدين تشوف الصفحة العربى ده كده الاحسن بحيث انك تعرف ايه الكام كلمة اللى ماقدرتش تترجمهم وتكتبهم وتحفظهم.
اين فيديوهات القوة الناعمة ؟
تم ايقافها زي ماقولت اول اللايف لانها تم اتخاذها لاتجاه اخر
لماذا لايتم العمل على اليوتيوب بدل التطبيق؟
على التطبيق التعلم افضل بكثير لان اليوتيوب ليس منصة تعليمية هو متجه اكثر للاشياء الترفيهىة اكثر من المحتوي التعليمى.
هل زى امريكان انجليش مكمل ؟
ايوة طبعا مكمل وفى حاجة جاية بعد المستوى الثالث هايبقى فى كورسات تخصصية ( بيزنس – ترجمة -.... )
لايوجد لدينا وسائل دفع فى البلاد العربية ؟
تعالى بس واتعلم انت يا باشا ولا يهمك
هل هناك قاعدة نعرف منها ان فى حرف e فى اللغة الانجليزية ؟
مالهاش قاعدة
ازاى احسن التفكير باللغة الانجليزية؟
احنا بنعمل كده فى طليق فالمنهج الجديد فى طليق 90% علينا و10 % على الطالب مثلا كنا عملنا استبيان بعد الوحدة الخامسة على التطبيق والحمد لله ناس كتيرعلى طليق قالوا ان التفكير عندهم اتحسن كتيرعن الاول.
هل مستوى A1 خلص لان ظاهرى ان لسه ؟
لسه المستوى ما خلصش وجارى استكمال باقى الحلقات.
مستوى الشغف للتعلم خف بعد المستوى التانى ؟
انت لو حابة التعلم فاكيد هاتقولى انك واحشك التعلم وتقعد تسالى نفسك هو فين اللى بيعلمنى طب انا واحشنى الكتابة وهكذا وممكن يكون بطريقة تانية انى اقول لنفسي انا وصلت للمستوى كذا وفاضلى مشوار اقل من اللى مشيته ازاى اوقف بعد كل المجهود اللى بذلته.
انا حابب اكمل موضوع القوة الناعمة اعمل ايه؟
انا مش هاقدر اكمل القوة الناعمة زي ما قولت
مافيش جديد فى كوفى بريك ؟
شايف اللى ورايا ده الاستوديو اللى بنجهز فيه وفى اربع حاجات فى كوفى بريك منتظرين اظبط الكاميرا واعملهم
هل ينفع انزل طليق بدون تفعيل الايميل ؟
لا تستطيع لانى ازاى هاحفظلك تقدمك على التطبيق او لو غيرت تليفونك ازاى احفظلك مستواك واللى وصلتله بدون ايميل احفظ عليه0
لماذا لا يمكن المراجعة على طليق يوميا ؟
ان شاء الله هانعملها لكن تقدر تاخد الدرسين وتراجع الدروس السابقة و تحل الاختبار كله فيما عدا انك تدوس على اخر اجابة لاخر سؤال واخرج قبل انتهاء الامتحان وبكده مش هايتحسبلك دروس المراجعة.
هل عملت كورس سينما 4D ؟
لاء لا فور دى ولا غيرها.
ايهما افضل زي امريكا ولا طليق
الاثنين يمكنك استخدامهم لان الاثنين عايزين يوصلوك لمستوى احسن
انا فى المستوى الثانى اكمل ولا ارجع مع طليق ؟
لاء يا باشا كمل على زى امريكا وراجع من طليق
عايزين PODCAST ؟
فكرتنى انا عندى بودكاست هههههه
المستوى الاول تم الانتهاء من تهيئته وان شاء الله يكون جاهزعلى شهر نوفمبر
هل طبيعى اقعد اتعلم لغة خمس ساعات ؟
لاء مش طبيعى هو حلو طبعا بس ممكن يحصلك تشتت وضغط لو يوم ما اقدرتش تلتزم بالخمس ساعات يكفى ساعتين يوميا للتعلم وتكون مركز.
هل عندك روتين يومى ؟
بجانب الروتين الدينى فى حاجات شخصية
مستوايا كويس فى الانجليزى ولكن لدى صعوبة فى الكتب الاكاديمية اعمل ايه ؟
شوف اكتر كتاب بتحب تقراه اكاديمي وطلع كل المصطلحات الاكاديمية فيه الصعبة عليك واحفظها وبكدة هتلاقى الكتاب الجاى اسهل واسهل.
البى دى اف على التطبيق مابقدرش اخده ؟
ولا مجان ولا مدفوع تقدر تاخد البى دى اف بره التطبيق بعد اللى حصل فى البى دى اف الخاص بزى امريكان مش هاقدر اعمل كده تانى واعتمد على ضمير الناس ولكن تقدرتشوفه على جهازك على التطبيق فى اى وقت
ايه مواصفات المدرس وازاى اختاره ؟
اهم حاجة انه بيكون بيحب المادة مش بالتنسيق
مايكونش انسان مادى لان الانسان المادى غصبا عنه مش هايديك المعلومة كاملة
متفوق فى هذة المادة ويكون بارع فيها
بيحب الطلبة بتوعه وبيفرق معاه انت فهمت ولا لاء
ومايكنش عدد كبير من الطلبة قدامه ( مثال عندك عدد 60 طالب بترعاهم ولا ستة )
طليق لسه فى مشاكل معايا الفيديوهات والملفات مش بتتحمل معايا ؟
لانك مش مشترك وتحميل الفيديوهات خاصية مدفوعة
البرمجة محتاجة رياضيات ؟
ماتقلقش لما هاتنزل البرمجة هانشرحلك كل ده ومش هاتحتاج اى حاجة احنا هانعلمك كل اللى هتحتاجه
فى مشكلة فى قبول بعض الاجابات على طليق ؟
مثل ولد يعنى BOY لو ده اللى حصل عندك ابعت مشكلتك من REPORT تحت السؤال واحنا هانشوفالمشكلة ونجدلها حل
هل شهر يكفى لكورس والذهاب لتعلم اخر ؟
هذا يعتمد على قدرتك على الاستيعاب
ليه مش بتعمل سنتر لتعلم الايلتس والكورسات ؟
انا مش فارق معايا الطالب شايفنى خلال شاشة ولا من خلال فصل المهم يكون فى تواصل والناس عايزة تتعلم واوصل التعليم لاكب عدد ممكن
ابدء مع طليق ولا زي امريكان لو انا من الصفر ؟
الاثنين والافضل طليق لانك من الصفر
ماهى المجالات التى تتعلمها حاليا ؟
حاجة تخص تظبيط السيرفرات
فى طريقة نثبت بها الجرامر فى ذهننا ؟
فى طليق احنا بنتبع طريقة لتعلم القاعدة بدون ما نقولك انها قاعدة وبعد ما تتحدث بها فنرجع ونقولك دى اسمها كذا
يارايت تزود حلقات كوفى بريك ؟
ان شاء الله هايتم ذلك وكمان جو هايقولكم خبر حلو.
ليه ما فيش اسكرين شوت على طليق اندرويد ؟
هاتبقى موجودة ان شاء الله ولكن فى بعض الناس كانت بتاخد الاسكرين شوت وبتنشرها على جروبات التعلم فيتم عمل دعايا سيئة للتطبيق لكن الان مافيش مشكلة وتم حل مشاكل التطبيق.
كام كلمة عشان اجيد التكلم بلغة معينة ؟
فى دراسة بتقول انك لو عندك 3000 حصيلة مفردة فانت تقدر تتكلم فى كل الموضوعات
اشتغلت برة مصر ازاى ؟
اول مرة اشتغلت برة مصر ماكنتش اخدت شهادة جامعية واشتغلت فى مصر قبل الحصول على شهادة جامعية وكنت اصغر المدرسين سننا وكنت تقريبا 19 سنة والمديرة كانت امريكية قالتلى انت عايز كام بعد الانترفيو وده فعلا الفرق بين .... و..... المهم انت بتفكر ازاى وهاتفيد المكان ازاى وبعد ما اشتغلت اخدت البكالوريوس
ماهو كورس العالم الخفى ؟
انا ماقولتش انى هاعمل كورس العالم الخفى رغم ان فى عالم خفى
ما رايك بمهنة طبيب الاسنان هههههه ؟
المداومة على التعلم ؟
الحماس لازم يكون من جواك وفكر نفسك بهدفك
مش باقدر اضيف اكثر من 100 كلمة على الكروت ؟
شغالين على حل تحديث اضافة الكلمات ولحد ده تقدر تحذف بعض الكلمات وتضيف بدالها.
هل استطيع تعلم اللغة بدون ممارسة؟
لا تسطيع ذلك لان فى مثل بيقول if you don’t use it, you lose it مالا تستخدمة تفقده لذلك لابد من الممارسة
هل ممكن اضافة لغة ... ؟
انا لسه ماعنديش دعم كافى
انا عندى مشكلة لما باجى اشغل الفيديو الاعلان مش بيشتغل ؟
لان فى بعض الدول جوجل بيحذر الاعلانات فجوجل اللى بيحذر مش انا
افضل طريقة لتعلم الصينية ؟
انا اكيد هاقولك طليق هههههه لان دى الطريقة اللى اتعلمت بيها
هل بتفكر انك تيجى لامريكا ؟
راجع السنة دى ان شاء الله
ممكن تحفظ البث ؟
مش متأكد ربنا ييسر ان شاء الله
ملخصات كورس الاخبار مش موجودة فى الملخصات ؟
استئذنك تبعتهالنا وانا هاكتبها عندى فى الملاحظات
ماهى نصيحتك لمدرسين اللغة ؟
يحللوا الفلوس اللى بياخدوها
ماهو رايك فى ترك التعليم الحكومى ؟
لو محتاج الشهادة يبقى كمل لو مش محتاج الشهادة اتعلم اون لاين لان بلاد بتكون الشهادة فيها حاجة مهمة
السلام عليكم ورحمه الله وبركاته ❤️
مساء الخير ❤️
تسلم ايديكي ميروو
بالتوفيق ❤️(✿^‿^)
3.3k questions
10.4k answers
14.1k comments
2.4m users