الملاحظات
الموقع متوقف وتم تغيره الي نظام جديد وهنا يعد فقط ارشيف للقراءه ولا يمكن المشاركه للدخول الي النظام الجديد اضغط هنا
تنتشر مشكلة بين متعلمي اللغات وهي إنهم في بعض الأحيان لما يتكلموا باللغة اللي بيتعلموها بيلاقوا صعوبة، صعوبة في التذكر، صعوبة في النطق، صعوبة في بناء جملة صحيحة؛ بالرغم من ان ممكن يكون مستواهم عالي في اللغة
مما يسبب احباط كبير عند كتير من الناس
في الحقيقة دا مش بسبب انه مش بيذاكر أو مش بيراجع
دي مشكلة في الذاكرة المؤقتة
و علشان نحل المشكلة دي، تعالى أقولك معلومة.....
الدماغ البشري لما مش بيلاقي أي اجبار صريح لإستخدام شيء ما (وظيفة أو معلومة معينة) مش بيستخدمها
بمعنى..... ان المخ دلوقتي مش شايف أي حاجة تجبره انه يتكلم بالإنجليزي.... كل العالم اللي حواليه عربي، فليه اتعب نفسي و اتكلم انجليزي؟!
عايزك قبل ما تشوف الحل تفكر مع نفسك انشالله نص ساعة و لكن فكر في الكلام دا و طلع منه الحل
افتكر ان لازم يكون الحل قابل للفعل
أشوفك بعد عشر سطور (^‿^)
.
فكرت؟ جبت حل من دماغك؟
تعالى بقى نفكر انا وانت........
المخ مش لاقي اللي يجبره على الكلام بالإنجليزي (أو باللغة اللي بتتعلمها)؛ اذا لازم نخلق جو يجبر المخ على دا...... اذا ايه الحل
متقوليش اتكلم مع متحدثين أصليين، مهو انت لو تقدر تعمل كدا مكانش هيكون عندك المشكلة دي طب افرض ياسيدي معنديش فرصة اعمل كدا... خلاص هقف؟ لأ
طيب ايه الحل؟
ربنا سبحانه وتعالى خلق جوا مخك "مخرج" عبقري
حضرتك الحل بكل بساطة هو انك تتخيل انك بتتكلم مع متحدث أصلي (يفضل انك تتخيل الكلام مع متحدث أصلي مشهور -ممثل أو كدا يعني-)
كدا انت بتحط المخ جوا اللعبة هتلاقي فورا المخ بيجيب الأفكار و الكلمات اللي المفروض تتقال و لوحدها كدا الكلام هيخرج بنيته سليمة لغويا
مش ملاحظ حاجة؟
مش ممكن يكون الحل اللي انا قلته مشابه جدا للحل اللي انت اقترحته على نفسك؟ و ممكن أحسن منه كمان؟
دا يظهرلك ايه؟
يظهرلك ان الحل عندك اصلا ولكن كنت بس عايز تقعد مع نفسك و تفكر براحة و في الآخر..... بوم الحل ظهر
أتمنى أكون أفادتك في الكام دقيقة دول و مأكونش ضيعت وقتك
سلام
السلام عليكم ورحمه الله وبركاته ❤️
صباح الخير ❤️
معلوومه راائعه
تسلم كتيير كتيير ❤️
بالتوفيق ❤️(✿^‿^)
3.4ألف أسئلة
10.5ألف إجابة
14.1ألف تعليقات
2.8مليون مستخدم