Question

السلام عليكم ورحمة الله وبركاته

بكل تأكيد لقد سررنا بظهور أستاذ إبراهيم مرة أخرى وتواصله معنا بصفة شبه مستمرة مؤخرا، وفي آخر لايف والذي كان يتحدث عن ما لديه من أفكار ذكر أن كورس Idiom Podium  قد انتهى، ولكن كان من المفترض أن نكمل هذا الكورس طبقا لحلقة المقدمة الخاصة به، فأتمنى من المسؤولين إيصال رسالتي للأستاذ إبراهيم حتى يكمل معنا الكورس، فهو من الكورسات الهامة. وجزاكم الله خيرا.

Answer 1

مش عارف والله

بس تقريبا اللي فهمتو من اللايف ان هيكون فيه تكملة للكورس في المستوى الرابع هو وكورس ايتلس

وهيكون فيه في المستوى الثالث عشر كورسات، اللي فاكرو منهم

الافعال المركبة (بينتزل) / ايدوم بديوم (نزل)

ايلتس المستوى الاول (نزل) / الاستماع المستوى الثالث (لسة ما نزلش)

القواعد المستوى الثالث (لسة ما نزلش) / اسأل جو (بيتنزل) / كوفي بريك (نزل) / بوك وورم (بيتنزل)

واثنين كمان مش فاكر اسمائهم ايه، وبداية من المستوى الرابع مش هيكون فيه عربي خالص كلو شرح بالانجليزي

بس ممكن اطلب من حضرتك طلب صغير كده، ازاي اذاكر كورسات المستوى الاول بشكل صحيح لاني حاسس اني بنسى الجمل والقواعد (انا حاليا ماشي سطر سطر) تعلم من الصفر - القواعد ثم الصوتيات - القراءة ثم المحادثة - الاستماع ثم الكتابة - النصائح

ولكن حاسس كده ان العيب من الطريقة اللي بذاكر بيها

الطريقة اللي بذاكر بيها هي اني بسمع الحلقة بتركيز واعمل المطلوب مني في الفيديو من تعليمات وبعدين اضيف الكلمات الصعبة للفلاش كارد عشان ادرب عليها بعدين، بعدين احمل الملخص البي دي اف واطبعو وادرب على الجمل وبعدين اخذ الاختبار، ولكن هل الطريقة دي صح ولا فيه اصح منها

وجزاك الله خير

Comments

أهلا بك انا قريبا سأنتقل للمستوى الثالث

أنت قلت بتنسى الجمل / اذا انت تحفظ ؟ ومن قال لك ان تحفظها ؟
المطلوب منك انت تفهم المطلوب و ليس تحفظ ولا تأخذ أكثر من ٤ حلقات يوميا لانه بزيد من التشتت
ولا تهتم متى تنتهي من المستوى لانه ايضا بشتتك

---

أُصوت لك      .     .

---

شوف حضرتك من خلال تجربتي موضوع النسيان ده طبيعي، ومحتاج مراجعة مستمرة(إدامة النظر في الكتب علاج للنسيان). مش مهم هتخلص المستوى امتى بس أهم حاجة تخلصه وأنت متمكن منه.
ثانيا: متأخدش كل الكورسات مع بعض، فحضرتك ابدأ بتعلم من الصفر، ولو حابب تنوع خد معاه الي في نفس السطر على التطبيق(تقريبا القواعد) وبعد كده انزل للسطر الي بعده بنفس الوتيرة.
ثالثا: متزودش في عدد الحلقات الي تتفرج عليها يعني أظن حلقتين أو ثلاثة كحد أقصى طبقا لقدرتك الاستيعابية مع مذاكرتهم، باستثناء كورس الاستماع هتحتاج لما توصله إن شاء الله  تشوف فيه حلقة واحدة فقط يوميا ومتزدش عن كده مع إعادة مشاهدة الحلقة حتى تعتاد على النبرات ورتم الكلام تدريجيا.
وخلي دايما في بالك إن مفيش حد بيجري وراك فخد راحتك في الدراسة واستمتع بيها، وده على عكس ما تكون في دراسة أكاديمية غالبا تؤول إلى الضغط وفقدان متعة التعلم.
وبالتوفيق لحضرتك.