الملاحظات
انتظرونا قريبا ما هو تعليقك علي الحلقه الثانية كورس bookworm
مساء الخير أمل ❤️:
القصة بدأت سنة 400 ميلادية كان سكان ما يعرف ببريطانيا حاليا قبائل اسمها ( الكلت) وكانت اسمها اللغه الكلتيه ومفيش شيء اسمه الانجليزية لأنها لغه حديثة مع توسع الامبراطوريه الرومانيه احتلت قبائل الكلت( بريطانيا حاليا) بس دا كان له فايدة لقبائل الكلت انهم كانوا بيحموهم من القبائل الساكسونية اللي موجودة في شمال أوروبا بدأت الامبراطوريه الرومانية في الانهيار واضطروا للانسحاب وأصبحت قبائل الكلت ( بريطانيا) محل طمع القبائل الجيرمانية المجاورة وتحديدا اربع قبائل:
The angels _ Saxons_ Jutes _ Frisians.
الاربع قبائل دول عبروا البحر علي مراكب خشبية وأبادوا شعب الكلت اللي هم كانوا سكان بريطانيا والقبائل الجديدة دي لغتهم اسمها Anglo_ Saxon ودي لغه جيرمانية وبكدا اتحولت لغه بريطانيا اللي كان سكانها الكلت الي الAnglo _ Saxon اللغه الجيرمانية . بعض علماء اللغه بيشير لل Anglo_ saxon علي انها الانجليزية القديمة بس دي مغالطة لأن في الوقت دا مفيش انجليزي اصلا. مرت قرون عديدة والقبائل دي بتتكلم اللغه دي لحد حوالي سنه 700 ميلادية حصلت بعض الغزوات من قبائل الفايكنج علي سكان بريطانيا وادت الي توقيع معاهدة بين الفايكنج وكان معظمهم من الدنمارك وبين سكان بريطانيا انهم يقسموا بريطانيا ل جزءين جزء ل قبائل الفايكنج وجزء لقبائلAnglo_ Saxons بدأ الAnglo Saxon يتزوجوا من نساء الفايكنج اللي هم من الدنمارك وكانت طبعا لغه الفايكنج اسمها الاسكندنافية القديمة فبدأت اللغتين يتداخلوا مع بعض واستمر الوضع علي كدا لحد 300 سنه بعدها كان في قبائل في شمال فرنسا بدأوا يعملوا قوة لحد ما كونوا دولة وطبعا أول حاجه فكروا انهم يحتلوا بريطانيا وهم أصلا كانوا قبائل بربرية احتلوا فرنسا اتخلوا عن طبيعتهم البربرية في كل شيء الا فيما يخص الحروب. احتلوا بريطانيا ووضعوا عليها ملك منهم اسمه ويليام وكان لقبه ويليام الفاتح وبعدها اصبحت الفرنسية اللغه الرسمية وانقسمت بريطانيا لطبقتين اجتماعيتين طبقة الأغنياء و كانوا بيتكلموا الفرنسية وطبقة الناس البسيطة وكانوا بيتكلموا خليط اللغات من اول الكلتية لحد الخليط ما بين الاسكندنافية و ال Anglo_ Saxon.
وكمان لما القبائل اللي جاءت من فرنسا احتلت بريطانيا احضروا معاهم مجموعة من رجال الدين وادخلوا كلمات لاتينية في اللغات اللي موجودة اللي كان بيتكلمها المواطنين البسيطين ف نتخيل الخليط اللي كان موجود وقتها من اللغات وقتها أدرك المواطن البسيط انه عشان يظهر انه متحضر انه يدخل في كلامه بعض الكلمات الفرنسية واللاتينية مر الوقت واصبحت وبعد الخليط ما بين اللغات اللي قولتها وبما فيهم الفرنسية واللاتينية اصبحت دي ما يعرف حاليا بالانجليزية.
نشوف بقي موضوع القواعد . في حاجه اسمها الشخص النحوي والشخص اللغوي. النحوي بيهتم بدراسه القواعد وتركيبها النحوي انما اللغوي بيهتم بدراسه هيكل اللغه وتطورها علم اللغه الاجتماعي والنفسي اللغويات المقارنة وهكذا. ف كدا يبقي اللغوي دا بيستنتج القواعد من كلام اهل اللغه ف لو شخص لغوي اختلف مع شخص نحوي اللغوي هيكون صح دايما. في لندن بعض التجار كانوا بدأوا يدخلوا عالم الثراء فبدأ بعض الكتاب يعملوا لهم كتب يعلموهم ازاي يتكلموا زي اهل لندن عشان طبعا الاموال كلها كانت هناك بدأ بقي النحويين يقرأوا الكتب دي ويعملوا منها قواعد سموها اللغه الانجليزية الصحيحة ودا طبعا خطأ جدا لأن دي قواعد مدينة واحده بلهجتها في سالف العصور . طبعا في حاجه اسمها الانجليزية السليمة ودي مش بيتكلمها اكتر من 15 في المائة من سكان بريطانيا. بدأ النحويين يتعدوا حدودهم وعملوا ما يسمي بالقواعد التوجيهية ودي كانت من الكتب اللي قرأوها ودا جهل مركب طبعا لان القواعد اللي في الكتب دي كانت قواعد مدينة واحده بلهجتها في سالف العصور زي ما قلت انما القواعد التوصيفية هي اللي علماء اللغه بيعملوها وبيستنتجوها من كلام اهل اللغه وطبعا لها اسناد تاريخي ومنطقي علي عكس التوصيفية. نوم تشومسكي ودا عالم لغويات عمل قواعد أسمها الكونية وفسر فيها ازاي ان الاطفال بيقدروا يصيغوا اكتر من تسعين في المئة من القواعد بدون تدخل مباشر وطبعا دا بيدعم ان القواعد التوصيفية استنتجت من كلام اهلها طبعا اما صبيان الجرامر شافوا دا قالوا ان دا غلط واللي احنا بنقولوا صح فأهل اللغه يقارنوا اللي هم بيقولوه بالكتب يلاقوه غير منطقي فيقولوا مفيش قواعد. طبعا في ناس ضحية النحويين وفعلا بيقولوا ان مفيش قواعد وبيفرضوا اجابات غير منطقية لاسئلة القواعد زي وزيرة تعليم بريطانية بس تم عزلها من منصبها. التعديلات اللي بتحصل سنويا في القواميس بتدل علي انهم بيخسروا كل يوم ويخضعوا لكلام اللغويين عشان يلحقوا موكب التغيير. زي مثلا كلمة كانت صفة بس بقت تنفع حال كمان وبعض الامثلة تم ذكرها في الحلقه طبعا النحويين كانوا معارضين للحاجات دي وانها غلط بس طبعا زي ما قلت بيخسروا كل يوم وبيضطروا يخضعوا لكلام اللغويين.
لو احنا مثلا بنتكلم عن ضمير مش موضحين هو مؤنث ولا مذكر بنستخدم معاه الضمير They زي مثلا
The worker said they can't come. استخدمنا They لان مفيش توضيح اذا اللي احنا بنتكلم عنه مذكر ولا مؤنث طبعا النحويين كانوا معارضين لدا بدون سبب منطقي بس خضعوا بعدها للغويين.
في النهاية اتمني اني وضحت بشكل كويس ولو في حاجه مش واضحه اتمني انك تعرفيني بالتوفيق امل ❤️
طيب تمام أمل أنا ان شاء الله هكتبها لك هنا علي هيئة إجابة أو كومنت زي ما انت عايزه بس بليل لاني حاليا مشغولة ممكن تنتظري؟
اتمني تعرفيني ☺️
3.3k questions
10.4k answers
14.1k comments
2.4m users